Сметнік для думак

Пытанне пра тэмпературу HDD

2009-09-21T08:40:12Z

Фрэнды, у мяне хард на ноуце награваецца да 50 градусаў пры нармальнай рабоце, і дапаўзае да 60 пры сярэдняй інтэнсіўнасці (прагляд фільмаў з уключаным торэнтам). Мне ўжо трэба пачынаць панікаваць і замаўляць новы, ці гэта ў межах дапушчальнага?

Я паехаў

2009-09-10T08:22:29Z

stashek @ 2009-09-04T01:11:00

2009-09-03T22:19:59Z

Пасля 4-хгадовага перапынку гурт Gåte вырашыў вярнуцца. Я рад. Трэба падумаць наконт падарожжа у Нарвегію ў канцы кастрычніка. Тота я думаю, што я іх ужо 2 дзень запар слухаю :)

Штука

2009-08-07T21:42:08Z

Мне тут падкінулі такую штукенцыю. А колькі вядомых людзей Вы пазнаеце на гэтай карціне (калі на яе пару разоў клікнуць, то можна пабачыць у поўным памеры і добрай якасці)? Кажуць, што пасля 25 вы станеце адукаваным чалавекам - мне здаецца, што 25 крыху малавата :)

stashek @ 2009-07-03T18:40:00

2009-07-03T15:41:46Z

Што можна рабіць у ліпені на выходных? Ну канешне хварэць без грошаў у кішэні. Бля.

stashek @ 2009-06-28T22:17:00

2009-06-28T19:17:36Z

Хвалевае

2009-05-30T22:37:34Z

Калі ў каго ёсць лішнія паўтары гадзіны, і ён не лічыць трафік, то можаце пазнаёміцца з новым прадуктам ад Google - Google Wave.

Калі часу і жадання глядзець ці шукаць інфу ў нэце няма, то можаце глянуць у мае пару радкоў унізе. Пост пісаўся ўжо пасля таго, як эйфарыя прайшла, але не выключаю, што яна можа вярнуцца падчас напісання.

Google Wave - гэта спроба уніфікаваць сродкі інтэрнэт камунікацыі (тут і далей я маю на ўвазе ўсялякія блогі, форумы, е-мэілы, чаты, мэсэнджэры і г.д.). Не, лепей так: Google Wave - гэта спроба аб'яднаць усё лепшае, што ёсць існуючых сродках камунікацыі. А яшчэ дакладней: Google Wave - гэта новы сродак камунікацыі, які спалучае ў сабе лепшыя бакі розных сродкаў камунікацыі, дадае з верху шмат дадатковых плюшак, і разам з тым інтэгруецца з усім чым толькі можна (а на выпадак, калі з нечым інтэгравацца нельга - штука цалкам Open Source).

Як гэта ўсё павінна працаваць у не такой ужо і аддаленай будучыні:

У прынцыпе ўсё звыкла: у вас ёсць спіс кантактаў, акно з "хваляй" дзе вядзецца размова (альбо не размова, але пра гэта ніжэй), і спіс апошніх "хваляў" - накшталт спісу згрупаваных лістоў, як гэта выглядае на gmail'е. Усё гэта адчыняецца ў браўзеры - для адкрытага пратаколу з'яўленне кліентскіх праграм, канешне, не пазбежнае, але яны не з'яўляюцца абавязковымі, і адпаведна, карыстацца сервісам можна з любога кампа, які падрублены да інтэрнэта (а непадрублены да інтэрнэта комп знайсці ўсё цяжэй і цяжэй).

Першай плюшкай - тут той выпадак, калі новае ёсць добра забытае старое - з'яўляецца тое, што перапіска перадаецца ў рэальным часе. То бок зусім у рэальным часе - вы набралі літарку, і яна ўжо з'явілася ў вашага суразмоўцы. Націснулі бэкспэйс - і яна ў яго знікла. У прынцыпе, гэтую фішку можна і адрубаць, але я думаю, што не толькі мяне раздражняе іконка "вам пішуць", і трэба чакаць, пакуль на іншым канцы націснуць Enter. У выпадку, калі чалавека на іншым канцы няма online, гэта будзе працаваць падобна на абмен е-мэйламі.

Другая плюшка - акно размовы па вялікім рахунку - гэта дакумент, які рэдагуецца адначасова некалькімі людзьмі. Вы не абавязаныя адказваць у канец дакуманта - можна адказаць у любым месцы - напрыклад, пракаментаваць канкрэтную думку, а не ўвесь папярэдні тэкст. Гэта можна ўявіць як ЖЖ пост, дзе веткі каментароў ідуць пасля кожнага абзаца. Пасля любы новы ўдзельнік дыскусіі можа праглядзець размову з каментарамі у тым парадку, у якім праводзіліся змены.

Трэцяе - пра удзельнікаў. Удзельнікам дыскусіі цалкам можа быць... ну, напрыклад, ваш блог. Адпаведна усе змены ў "хвалі" будуць непасрэдна транслявацца ў яго, а каментары будуць адразу ж з'яўляцца ў "хвалі".

У прынцыпе, далей можна яшчэ паўтары гадзіны падрабязна апісваць розныя іншыя плюшкі (не кажу што я назваў самыя галоўныя, але яны, як мне здаецца, лепей за ўсё дапамагаюць уявіць, як гэта працуе), як то Drag&Drop файлаў з кампутара напрамую ў дыскусію - малюнкі пры гэтым будуць рабіцца малюнкамі, а не прапановай скачаць файл, ці ўбудаваны "міні-пашукавік", дзе можна хуценька знайсці патрэбную ссылку і адным клікам дадаць яе ў тэкст, ці магчымасць у пару клікаў дадаць у размову YouTube'аўскі ролік, ці пераклад на іншыя мовы ў рэальным часе (у дэманстрацыі адзін карыстальнік піша па ангельску, а другі атрымлівае адразу і па ангельску, і па французску), ці праца праз кансоль і г.д., але за паўтары гадзіны можна і праглядзець саму прэзентацыю :)

Вядома, на прэзентацыях усё глядзіцца нашмат больш апетытна, чым у рэальнасці, але мне жахліва цікава пабачыць, што з рэшты з гэтага атрымаецца.

Проста так...

2009-05-29T13:41:00Z

Сяджу перад кампом, нікога не чапаю, раптам па экране пачынае шалена прыгаць курсор. Пасля мінутнага ступару высветлілася, што кот у іншым канцы пакоя бязлітасна піздзіць маю бесправадну мышку.

stashek @ 2009-05-19T12:58:00

2009-05-19T10:01:08Z

Па мойму, выдатная цацка. Можа нават прыдумаецца, як яе прымяняць з карысццю.

Да слова, на галоўнае пытанне жыцця, сусвету і ўсяго такога адказала правільна :)

На правах рэкламы

2009-05-18T20:45:26Z

Стварыў кам'юніці by_formula, прысвечанае Формуле-1, і нават нешта туды паспеў напісаць. Не ведаю, што з гэтага атрымаецца, але было б файна сабраць людзей, якім сапраўды цікава гэтая тэма, і хто хацеў бы туды пісаць (але гэта не абавязковая ўмова :).

Рэклама вітаецца.

Што творыцца ў 150 км ад Мінска

2009-05-18T17:54:08Z

А ў Літве ўчора выбралі прэзідэнціху. Феміністкі, напэўна, радуюцца. Сёння ля пад'езда чуў, як адна суседская бабулька сказала "Хадзілі ўчора на галасаваць, а ўсе роўна бабу выбралі". Вось так.

stashek @ 2009-05-12T13:56:00

2009-05-12T11:03:58Z

Канец сезона ва ўсіх серыялах робіцца па прынцыпе "прыцягнуць увагу да наступнага". Так і ў Хаусе - не сказаць, каб ён афігенны, але цікава, як сцэнарысты будуць выкручвацца з сітуацыі, у якую самі сябе загналі. А працяг толькі праз 4 месяцы :(

Ф-1

2009-05-10T11:04:25Z

Пасля ўчорашняй безумнай кфаліфікацыі гонка абяццае быць цікавай. Я пабёг у бар глядзець.

Цікава, а шмат маіх фрэндоў уступілі бы ў кам'юніці by_formula?

Эта Кот он всьехъ убйот

2009-05-04T14:09:59Z

Ухаха ў працяг папярэдняга паста

2009-05-03T22:47:14Z

Сёння! У мяне! Быў :(! Новы! Незабываемы! Экспірыенс!
Я ў першы раз у жыцці! Лётаў! На! Параплане!
Не магу не падзяліцца.

Уся гісторыя пачалася з таго, што адна сяброўка распавяла пра сваё новае хоббі маёй дзяўчыне. Дзяўчыну ідэя захапіла, і яе жаданне палётаць перамагло мой страх высаты (3-ці паверх для мяне - гэта максімум).

Мы прыехалі за 50 кіламетраў ад Вільні, і, пасля 2-х гадзіннага чакання, нарэшце апынуліся ў небе.

Канешне, ўсё пачалося з падрыхтоўкі. На нас надзелі заплечнікі з крэсламі,

Прывязалі да "крыла"

І нас падняло на верх.

Самым цяжкім было разбягацца на ўзлёце - вельмі цяжка кіраваць нагамі, якія намагаюцца падкасіцца ці ўвогуле адваліцца і не ляцець, але пасля 5-6 крокаў ты ўжо ў небе.

Каля хвіліны параплан ішоў на тросе, каб набраць хуткасць. Вышыня невялікая і ты адчуваеш сябе ў бяспецы. Але як толькі трос адвальваецца з-пад тваіх ног, адчуванне абсалютнай бяспекі знікае, і замяняецца на адчуванне свабоды. Калі не глядзець непасрэдна пад ногі, то ляцець абсалютна не страшна (нагадваю - я гэта пішу з пазіцыі маёй жахлівай акрафобіі). Прынамсі да таго моманту, калі інструктар не пачынае паказваць простыя фігуры пілатажу (я не кажу пра складаныя). Адчуванне невясомасці - гэта канешне афігенна, а вось калі шлем спаўзае на бок, а рука вывальваецца з шлейкі - у першы раз не вельмі, але гэта дробязі ў параўнанні з адчуваннямі.

Але зрэшты палёт скончваецца, ты выцягваешся ў сядле нібы алавянны салдацік, і дакранаешся нагамі да зямлі. А пасля гадзінамі пераварваеш уражанні палёту.

P.S.: У сувязі з немагчымасццю выражэння ўсіх пазітыўных эмоцый палёту з-за адсутнасццю часу і наяўнасці алкагольнага ўздзеяння ўсе пазітыўныя эмоцыі не былі выражаныя.

P.P.S: Дзе ўзяць 500 еўра на курсы парапланірвання з атрыманнем ліцэнзіі?!

stashek @ 2009-05-03T21:46:00

2009-05-03T18:47:23Z

Цікава, ці шмат у мяне ў фрэндах жадаючых пабачыць (ці ўзгадаць) як я выглядаю?

stashek @ 2009-04-30T02:44:00

2009-04-29T23:48:36Z

На фоне сусветнай эпідэміялагічнай і свінафобнай абстаноўкі мне ўзгадалася адна flash-гульнюшка - Pandemic II. Можа, пакуль чалавецтва змагаецца з страшным вірусам, каму-небудзь захочацца пазмагацца з чалавецтвам, няхай і ў віртуальным свеце.

stashek @ 2009-04-19T15:28:00

2009-04-19T12:30:28Z

Жахлівая раніца. З-за Формулы-1 ні навіны табе пачытаць, ні фрэнд-ленту....

Праграмаванне - help wanted

2009-04-17T13:05:24Z

Маё знаёмства з Java ў Web пачынаецца з таго, што мне трэба тэрмінова зрабіць адну праграмку, і на паслядоўнае вывучэнне ўсех нюансаў не хапае часу. Таму пытанне - ці ёсць сярод фрэндаў людзі, якія маглі б пракансультаваць па гэтым пытанні? Тэмы, хутчэй за ўсё будуць звязаныя з сервлетамі, аплетамі, Tomcatам і Spring.

Netbooчнае part 2

2009-04-14T12:41:58Z

Каму цікава: такі гэта IBM IdeaPad S10e. Пытанне батарэйкі стала вырашаючым: 2200 mAh у MSI супраць 4400 mAh у Lenovo. Цалкам аналагічны па характарыстыках MSI каштаваў бы на 100 даляраў даражэй.

Netbooчнае

2009-04-13T13:29:13Z

Фрэнды, калі хтосьці мае што мне сказаць за ці супраць нэтбукаў IBM IdeaPad S10e і MSI Wind U100 - кажыце сёння.

Кінематограф

2009-04-05T08:17:36Z

Мая ўвага вельмі доўга абыходзіла фільм Stardust. Ці гэта фільм абыходзіў яе. Ну, адным словам яны ў выніку сутыкнуліся, і я пабачыў, што гэта добра. Hugo award фільм атрымаў непростатак.

Аперацыя на адкрытым працэсары

2009-04-04T23:12:16Z

Каб пачысціць кулер ноўтбука, трэба адкруціць 3 вінта, зняць крышку, якая адчыняе доступ да кулера, адкруціць яшчэ 4 вінта, зняць кулер, прыбраць увесь пыл, а пасля ўсё паўтарыць у адваротным парадку. Чаму Вы так недаверліва круціце галавой? А! Вы таксама карыстаецеся лаптопамі HP?! Мае Вам спачуванні...

Каб пачысціць кулер ноўтбука HP, Вам, хутчэй за ўсё, не хопіць вышэй пералічаных дзеянняў. Ўжо сам мануал як бы кажа табе: "Хлопча, а можа ўсё ж такі сервіс-цэнтр? Ім там за гэта грошы плоцяць". Але аддаваць кампутар на тыдзень дзеля працы, якая займае ад сілы 30 хвілін (то бок, ты думаеш, што яна зойме 30 хвілін), не вельмі хочацца. І ты бярэшся за адвертку...

- Выньце блок сілкавання з разеткі, а пасля адлучыце яго ад кампутара, - пачынае манатонна бубніць мануал. - А цяпер дастаньце батарэю.
Ну, з гэтым можна было разабрацца і сваімі сіламі...

- Наступны крок - зняць вінчэстэр. Адкруціце крышку, якая закрывае вінчэстер і пацягніце за спецыяльную плёнку, каб вынуць яго з лаптопа.
Пацягніце... Спачатку ты цягнеш вінчэстэр. Робіш гэта асцярожна - 120 гігабайт інфармацыі, нажытых непасільным трудом - калі папсаваць... Не, лепш не думаць, што будзе. Пасля пачынаеш цягнуць мацней. А пасля, калі адной нагой ты ўпіраешся ў падлогу, а другой - у лаптоп, ен нарэшце выскоквае. Пераходзім да наступнага кроку.

- Выньце DVD-ROM.
Тут крыху прасцей - усяго адзін вінцік, дастаць латок і пацягнуць за яго, вымаючы ўсю канструкцыю. Праўда, калі цягнеш і вымаеш, то адчуванне, што хутчэй латок адарвецца, чым дэвайс дастанецца, і думкі пастаянна: "Якое дачыненне DVD-ROM мае да прачысткі кулера"?

- А цяпер здыміце панэль з дынамікамі і кнопкай Power.
3 вінціка пад батарэяй, крыху пацягнуць на сябе панэльку, крыху мацней, і яшчэ мацней, і панэлька з хрустам вылятае са свайго месца. Не, здаецца цэлая. Засталося дастаць з яе 3 маленькія шлейфікі, і ты робіш гэта з слязьмі на вачох, бо разумееш, што іх пасля давядзецца запіхваць назад...
І тут пад панэлькай праглядвае кулер! Прыкрыты мацярынскай платай і кавалкам корпуса, таму дацягнуцца да яго, а тым больш зняць ніяк не атрымаецца. Але ён ужо блізка!

- Здыміце клавіятуру, дзеля гэтага адкруціце 4 вінта на ніжняй панэлі - 2 пад батарэяй, а яшчэ 2 - на "агульнай" крышцы (як паказана на малюнку).
4 болцікі - лёгка! Вось яны - 2 пад батарэяй, а вось.. Блін а дзе яшчэ 2? Клавіятуру яшчэ яўна нешта трымае. Прыкінуўшы, дзе яшчэ маглі хавацца клавіятурныя вінцікі, адкручваеш крышку ад аператыўкі. Вось і 3-ці. А дзе ж 4-ты? А і чорт з ім. Клавіятура знялася.

- Здыміце дысплэйны блок.
Ужо на аўтамаце адкручваеш туеву хучу вінцікаў, вымаеш яшчэ тры шлейфікі і выкавырваеш правадкі з канавак, думаючы, што калі б па схеме канавак намаляваць трасу для Формулы-1, то была б вельмі цікавая гонка: доўгія прамыя, шмат паваротаў пад усімі магчымымі вугламі - все путем. Здымаеш дысплэй, заўважаючы, што яго трымае провад, які ідзе ад Wi-fi антэнкі да платы, пра які, да слова, нідзе нічога не напісана, і сыходзіць пад мацярынку. Пераварочваем комп, і бачым, што плата знаходзіцца каля аператыўкі - добра, што мы загадзя яе адчынілі па ўласнай ініцыятыве.

- Здыміце ніжнюю частку корпуса.
Вось яно! засталося зняць ніжнюю крышку, і кулер амаль у нас у руках! Выкручваем 10 вінцікаў з крышкі, яшчэ 3, і яшчэ 3, і яшчэ адзін вінцік, і яшчэ 2 ... Што гэта за *censored* і што перашакаджала на месца гэтых *censored* паставіць нармальныя вінцікі, якія можна вывенціць нармальнай *censored* адверткай!!! Пасля 5 мінут брэйнстормінга ты разумееш, што да кулера табе сення ніяк не дабрацца, і трэба збіраць усё па назад, каб заўтра з новай адверткай яшчэ раз прайсці гэты шлях...

Я не буду распавядаць, як я закручваў гэтыя тоны вінцікаў і засоўваў шлейфы, як не хацелі класціся ў канаўкі правады і не запаўзалі на свае месца дынамікі і клавіятура. Скажу толькі тое, што калі вы змаглі сваімі 2-ма рукамі раскруціць HP-шны лаптоп, то гэта зусім не значыць, што вам іх хопіць, каб яго скруціць назад.

Мануал ад самага пачатку падказваў, што лепш не лезці ўнутр. У нутры кожны элемент канструкцыі даваў табе ведаць, што лаптоп зроблены па 2 прынцыпах - каб чалавек не змог яго раскурціць у хатніх умовах, а калі ў яго гэта атрымаецца, то ён, прынамсі, павінен аб гэтым пашкадаваць. Вельмі моцна пашкадаваць.

Пасля сёняшняга экспірыенсу ў мяне з'явіўся вельмі важны крытэр у выбары лаптопаў - размяшчэнне і даступнасць гэтага *censored* кулера.

З.Ы.: А заўтра а 12 - Формула 1, Гран Пры Малазіі. Трэба не праспаць і дапаўзці да бара на прамую трансляцыю.

ФГМ

2009-03-27T18:18:26Z

Цікава, які будзе размах падпольнага гандлю свекольником консервированным 31.03?

stashek @ 2009-03-27T19:22:00

2009-03-27T17:24:04Z

Я думаю, што разбітая бутэлька ў піўным аддзеле ляжала там у рэкламных мэтах...