stashek

Прыйсці ва ўнівер 1-ы раз за тыдзень для таго, каб усю пару пратырчаць у нэце (уласна кажучы, пара яшчэ не скончылася). Спадзяюся, батарэя не скончыцца хутчэй за лекцыю...

З гадамі падручнікі становяцца ўсё большымі і большымі, падумаў я, паглядзеўшы на 2 кніжачкі фармата А4 і з колькасццю старонак каля 600.. І гэта пакрывае толькі 1,5 прадметы. А яшчэ Платон на панядзелак...
Ну вот. Покуль пісаў - ляснуўся нэт, а было аж цэлых 5 гадзінаў шчасцця...

Мрак! Пасля трохгадзінавага сну я такі прымусіў сябе падняцца і пайсці на першую пару. Сеў на аўтобус, прастаяў хвілін 20 ў пробках, спазняючыся на 40 хвілінаў падыйшоў да ўнівера і пабачыў... аднагрупнікаў, якія ціхенька пілі піва. Пары не было... Да філасофіі яшчэ гадзіна, рабіць няма чаго, аўтамат з кавай не працуе. Пратрываў. У 10:20 мы зразумелі, што філасофіі не будзе таксама. На ангельскую калектыўна вырашылі не з'яўляцца, бо гэта ўжо выглядала як здзек... Цяпер сяджу на поўным аўтамаце і паглядваю на ложак...

Сення ў бібліятэцы на факульцеце вісеў прыкольны прайс. Прыводжу частку, прыблізна ўзноўленую па памяці:
--Адказ на пытанне: 5 літаў;
--Правільны адказ на пытанне: 15 літаў;
--Адказ на глупае пытанне: 25...
--Ветлівы адказ на глупае пытанне: 50...
--Адказ на глупае пытанне падумаўшы: 100...
--Паспачуваць: 10...
і г.д. :)